3- تكملة تجربة الشراء من النت -على بابا وعلى اكسبريس وامازون واي باى ومواقع صينية كتيرة لحد ما حظى وقعنى فى موقع وسخ اسمه صنع فى الصين ( made in china )

3- تكملة تجربة الشراء من الانترنت

           حكيت لكم التجربة الاولى وكانت تجربه ناجحه الحمد لله ، دا بقى ادانى ثقه كدة وجراءة بقى واحياي انا بقيت حريف وشبح فى نفسي كدة ههههههههه .

المهم دوست بقلب جامد وابتديت ادور على اى حاجه اشتريها ودى قصة التجربة التانية .

كنت عاوز اجيب تابلت والاسعار كان مبالغ فيها هنا فى الفترة دى ، وقررت ابحث واشوف جهاز بامكانيات كويسه وسعر قليل ( عملت ناصح ) ههههه وطبعا قلبت مواقع كتير زى على بابا وعلى اكسبريس وامازون واي باى  ومواقع صينية كتيرة لحد ما حظى وقعنى فى موقع وسخ اسمه صنع فى الصين ( made in china )  والموقع دا لقيت فيه ميزة انه بيعرض منتجات الشركات وبيوصلك بيهم وتتفاوض معاهم ، كلمت شركة كدة واتفقنا على المواصفات والسعر والشحن وكل حاجه وكانوا متعاونين لدرجة الشك لكن قولت عادى جايز عشان بكلم الشركة وبتفاوض وكدة .... حولت لهم الفلوس وبعتولى رقم التتبع عادى جداااااا وطبعا كل شيء يعتبر تمام .

وكالمعتاد بخش على موقع التتبع واشوف اخبار الشحنه لكن بشغف اقل من المرة اللى فاتت 

بعد كام يوم الشحنه خرجت من المخازن على شركة الشحن وقشطه جدا ووصلت المطار .

بعد كدة لقيتها متوجهه لامريكا ،،،،، نعم !!!!؟؟؟؟ 

بعت رسالة للشركة توهونى 

شويتين كدة الشحنه استلمها صاحبها فى امريكا هههههههههههههههه

ازااااااااااى؟؟

كلمت الشركة تانى نفضوا لى ومحدش بيرد يوم ويومين وتلاته وهنا عرفت ان اتنصب عليا .

حاولت اشوف اصل الشحنه وليه راحت امريكا اكتشفت ان الشحنه دى اصلا مش خاصة بالشركة اللى انا شارة منها اصلا ، وانهم ادونى رقم تتبع مش عارف جابوة ازاى .

كلمت ادارة الموقع الوسخ لاقيتهم بيتملصوا من اى مسئولية .

بعد كام شتيمة جبتها من على جوجل وبعتها لهم عشان افش غليليى مكنش فيه حل غير انى انسي واقول لنفسي اهو درس اتعلمته .

2- تكملة موضوع الشراء من الانترنت

2- تكملة موضوع الشراء من الانترنت

قولت فى المقال السابق انى بحثت فى جوجل عن اراء الناس فى كام موقع كدة لقيت فيهم الحاجة اللى بدور عليها ..... واكتشفت ان مفيش اتفاق على رأى واحد ، ناس كانت بتشكر وناس بتحكى عن تجربة او تجارب مريرة والسلعة لم تصل او وصلت ومش هى نفس الجودة اللى توقعوها ..

اللذيذ بقى ان فى وسط اى حوار من دا تلاقى ناس تانيين خاااالص داخلين يعلقوا باى حاجة ملهاش علاقة بالحوار اصلا ههههههه

النتيجة قولت انا هفضل متردد لامتى ؟؟ فين روح المغامر ؟؟؟ اتكل على الله يا جدع وزى ما تيجى تيجى ، اهى حاجة بحوالى 500 ج حتى لو ضاعت كانها فلوس وقعت منى .

قوم اية اشتريت فعلا وبدات مرحلة تتبع الشحنة هههه كل يوم افتح مرتين تلاتة ادور وصلت فين هههههههههههههه.

بعد شهر كدة لقيت مندوب ارامكس بيكلمنى بيقولى فيه شحنة جيالك وبيسال موجود امتى اجيبهالك .

طبعا فضيت نفسي وقولتلة انا فى انتظارك ، مش عاوز اقولكم لو كان قالى تعالى انت كنت جريت نزلت وروحت له هههههههههه.

وصلت الشحنة كرتونة متوسطة كدة اد كرتونة الشيبسي وطلب قيمة الجمارك ومصاريف انتقاله ... طبعا مجادلتش ودفعت عشان عاوز اشوف انتصاراتى هههههههههههههه.

تقريبا الجمارك والحبشتكانات كانت بنفس قيمة السعر اللى اشتريت الحاجة بيه ، مش مهم عادى .

فتحت الطرد وتفحصت البضاعة وهى كانت عبارة عن طقمين زراير تحكم ازاز كهرباء للسيارة مزودة بقاعدة تتثبت فى الباب وقطعة منهم طبعا مركزية ب 5 زراير للتحكم فى باقى الابواب ممممممممم.

الخامة والشكل بصراحة طلعت زى الفل الحمد لله وملهاش مثيل بالسوق اصلا .

دى كانت اول تجربة ليا للشراء من موقع صينى عالنت .

...............................................................يتبع

تجربة الشراء من الانترنت

تجربة الشراء من النت

لما بتلاقى نفسك مش قادر تمسك روح المغامرة جواك  تجرب الشراء من الانترنت  وانت شايف العروض المغرية المثيرة اللى  ادام عنيك اثناء ما بتتصفح من موبايلك او جهاز الكمبيوتر ، بتقول اغامر واجرب اشمعنى انا .

طبعا كلنا بنفكر كدة لكن كتير مش بيقدر يجرب لأسباب كتيرة منها ان مثلا مش قوى فى اللغة او خواف او معندوش فيزا واخر حاجه مش معاه فلوس .

انا كنت كدة ومش هدعي ان انا مخوفتش لكن قررت اغامر بروح المقامر او المغامر المبتديء وعلى راى المثل ، يا صابت يا اتنين عور ههههههه

المهم انا كنت ف الوقت دا بدور على حاجة مش لاقيها ف السوق وكمان محدش فاهم انا بسأل على ايه من المحلات المتاحة هنا بالسوق المصري ....

فضلت اقلب فى المواقع ولقيت الحاجة دى فى مواقع كتيييييير اوى ، لكن لقيت عقلى الباطن صحى بسرعه وبعت لى رسايل وانذارات صوتية ومضيئه فى دماغى هههه ان ازاى اعرف انهى موقع افضل من التانى ؟؟؟ مين نصاب مين كداب؟؟ 

كنت هتوقف تمام عشان طبعا  رغم العنترة اللى انا فيها لكن برضو بدات اقلق.

طب اسأل مين ؟؟؟

مفيش غير برضو حبيبنا جوجل ..... اللى توهنى ايام وليالى نص الناس تقولك الموقع دا زى الفل وناس مضمونة والنص التانى عكسهم تماما !!!

.............................يتبع